Kayin Gyi Restaurant (ကရင်ကြီး စားသောက်ဆိုင်)

မြန်မာထမင်းဆိုင် သွားစားရင် ကျွန်တော့်အတွက် ပြဿနာတစ်ခု အမြဲရှိတယ်။ ဟင်းအစုံစားချင်ပေမယ့် အသားဟင်းတစ်မယ်တည်းနဲ့ ရပ်လိုက်ရတာချည်း။ ဟင်းတစ်ပွဲ ၃-၄-၅၀၀၀ဆိုတော့လည်း ဟင်းအများကြီးစားဖို့ကျ အဆင်မပြေဘူး။ ဟင်းအမယ်များများစားချင်ရင် လူအများကြီးသွားစားဖြစ်မှ စားရတာမျိုးကိုဖြစ်နေပြီ။ တကယ်တော့ ​​​လောဘကြီးတယ်ပဲ​ပြော​ပြော တစ်​ယောက်တည်းသွားစားလည်း ဟိုဟင်းနည်းနည်း ဒီဟင်းနည်းနည်းနဲ့ ကိုယ်ကြိုက်တာကို စုံစိ​နေ​အောင် စားရတာမျိုး ဖြစ်ချင်တာ။ ဟင်းလျာအမယ်စုံကို Portionအသေးနဲ့စားချင်တာကြောင့် အမြဲတိုင်ပတ်နေရတယ်။ အခုတော့ သန့်ရှင်းပြီး စားကောင်းတဲ့ဆိုင်လေးတွေ့ထားလို့ Foodiesတို့ကို မျှဝေမယ်နော်။ အမယ်စုံစားချင်ပြီး ပိုက်ဆံအများကြီးလည်း မကုန်ချင်တဲ့ အစားတစ်လိုင်းအတွက် အဆင်ပြေဆုံးဆိုင်လေးပါ။ အသားဟင်း ၂၄မျိုး၊ အရံဟင်း၁၂မျိုးရတဲ့ “ကရင်ကြီးပါ။ ဗန်းလိုက်ချပေးပြီး ကိုယ်စားချင်တာ ရွေးစားရုံကို သဘောအကျဆုံးပဲ။ အသားဟင်းက ၁၀၀၀/၁၅၀၀၊ အရံက ၅၀၀ပါ။ ငါးပိရည်၊ အတို့အမြှုပ်၊ ဟင်းရည်လေးနဲ့ စိတ်ကြိုက်ဟင်းကို စားသလောက်ရှင်းရုံလေးပါ။ နောက်ပြီး​တော့ ဆိုင်ရဲ့ အကြိုက်ဆုံး Ideaကတော့ ဟင်းခွက်အောက်မှာ ဟင်းနာမည်နဲ့ စျေးနှုန်းပါပြီး အင်မတန်အဆင်ပြေတာကိုပဲ။ ဆိုင်ရောက်လို့ မဖြစ်မနေစားသင့်တာက ⭐️ အမိုးဆိတ်သားနှပ် (၁၅၀၀) နူးအိနေတဲ့ ဆိတ်သားက အရသာထဲထဲဝင်ဝင်ရှိပြီး အချိုလေး။ ထမင်းကိုမြိန်စေပြီး ဆိုင်ရဲ့အရောင်းရဆုံးဟင်းလျာပါ။ ⭐️ အလှူငါးခြောက်ထိုး (၁၀၀၀) ငါးကြီးခြောက်ကိုသုံးထားတာ။ ငါးခြောက်ပေမယ့် မငန်ဘူး။ အဆာပလာတွေရဲ့အချိုနဲ့ ငါးခြောက်ကို စားကောင်းအောင်ချက်ထားတာ။ တနေ့တနေ့ အကုန်စောတဲ့အမယ်လေးပါ။ ⭐️ ဘဲဥမန်ကျည်းချဉ်ချက် (၁၀၀၀) ဘဲဥကြိုက်တဲ့ကျွန်တော်ပါ။ အထူးသဖြင့် အချိန်ပေးချက်ထားတဲ့ ဘဲဥဟင်းပါ။ မန်ကျည်းချဥ်နဲ့ ချက်ထား​တော့ ဘဲဥက တတုတ်တုတ်နဲ့ ဝါးလို့ကောင်းပြီး အနှစ်ကလည်း ချိုချဉ်လေးနဲ့ကောင်းတယ်။ ⭐️ အမဲဘို့သားတုံးကြော် (၁၅၀၀) အမဲဘို့သား အိအိလေး။ ကြက်သွန်ဖြူမွှေးလေးနဲ့ ပြုတ်ကြော်ထားတာ။ အခြောက်အခြမ်းကြိုက်တဲ့ Foodiesတွေအတွက် အဆင်ပြေစေပြီး အသားက သိပ်မခြောက်လွန်းဘဲ အိအိလေးနဲ့စားကောင်းတဲ့ အသားကြော်ပါ။ အမဲမစားသူဆိုရင် ဝက်ဂုတ်သားပေါင်းကြော်လေးလည်းကောင်းတယ်။ အရံထဲကဆို ပုစွန်ဆိတ်ချဉ်ပေါင် ၊ ပုန်းရည်ကြီးသုပ်၊ ခရမ်းသီးနှပ်တို့ကို ကြိုက်တယ်။ အသားဟင်း ၂၄ မျိုးကို အကြော်၊ အချက်၊ အသားခြောက်ဖုတ်အမျိုးမျိုးရပြီး အရံလည်းစုံတာကြောင့် ဟင်းအမယ်အစုံကို စျေးတန်တန်နဲ့ စားချင်တဲ့သူအတွက် အတော်လေးအဆင်ပြေပါတယ်။ ဘတ်ဂျတ်စားချင်ရင်လည်းအဆင်ပြေသလို အရသာစုံ​နေ​အောင် အများကြီးစားမယ်ဆိုလည်း တန်တယ်။ ထမင်းနဲ့ အတို့အမြှုပ်၊ ဟင်းရည်အတွက် တစ်ယောက်၅၀၀ဆိုတာကတော့ လမ်းဘေးဆိုင်တွေမှာတောင် သိပ်မရတော့တဲ့စျေးပါ။ သူ့ရဲ့ ငါးပိထောင်းစပ်စပ်လေးကတော့ ကိုယ့်အကြိုက်ဆုံးထဲပါတယ်။ ကရင်ကြီးဆိုင်ရဲ့ အားသာချက်ကတော့ သန့်ရှင်းသပ်ရပ်ပြီး လှလှလေးပြင်ထားတယ်။ ဓာတ်ပုံအလှတွေရှု့မြင်ရမှာဖြစ်သလို ဆိုင်ရှင်တွေရဲ့ စိတ်ကူးနဲ့ပြင်ထားတဲ့ မျက်စိပသာဒဖြစ်စရာ အလှအပ​တွေပါ မြင်​တွေ့ရမှာဖြစ်ပါတယ်။ ဆိုင်မှာ ဟင်းချိုမှုန့်မသုံးဘူး၊ ရေသန့်နဲ့ပဲချက်တယ်၊ မှိုလွတ်ငရုတ်သီးမှုန့်ပဲသုံးတယ်၊ ပဲဆီအစစ်ကိုပဲ သုံးတာကြောင့် ကျန်းမာရေးအရလည်း စိတ်ချရတယ်။ မြန်မာထမင်းဟင်းကောင်းကောင်းကို စျေးတန်တန်နဲ့ သန့်ရှင်းသပ်ရပ်ပြီး ကျန်းမာ​ရေးနဲ့ညီညွတ်တဲ့ဆိုင်မျိုးမှာ စားမယ်ဆိုရင်တော့ “ကရင်ကြီး”ဟာ အတော်လေး အဆင်ပြေတဲ့ဆိုင်ပါ။ နေရာ ၃/၅ အပြင်အဆင် ၃.၈/၅ အရသာ ၄.၂/၅ စျေးနှုန်း ၄.၅/၅ ဝန်ဆောင်မှု ၄/၅ သန့်ရှင်းမှု ၄.၅/၅ “ကရင်ကြီး Ka Yin Gyi” ? ၈၄ ၂၂ ၂၃ကြား။ ၂၂ ကနေ ဝင်ရင်ပိုအဆင်ပြေပါတယ်။ ⏰ မနက် ၁၀ ည ၉ (ထမင်းဟင်း မနက်၁၀ ညနေ ၄။ ထမင်းကြော် ည၄ ကနေ ည၉) ☎️ 097885050000 , 09970023888 Crd joinmeforabettertaste

So delicious shop

Well cooked Clean and Good hospitality

So tasteful menus. Fair price. Amazing nice environment.

One of the best Burmese Cousin Shop in Mandalay. Although it’s name is Kayin Gyi, the taste is very familiar with Myanmar. Should come and try once when you are in the town!

Clean and healthy food, fair price and good services.

The food here was absolutely wonderful, have unique taste and very pleasing. I especially enjoyed 'Talabaw Soup' Karen style chicken Soup and 'Amoe's Sate That Nhat' Mom's Mutton Curry. The restaurant area was nice and open, wait staff were extremely friendly and helpful.

All thd dishes are hygyne and they are so yummy especially sewwt pork curry and fried beef. Fair price.