Shweyaungdaw pagoda

သပ္ပါယ်လိုက်တာ

ရှေးဟောင်းစေတီ တစ်ဆူမို့ လူသိများ ထင်ရှားလှတယ်

ရွှေရောင်တော်ဘုရား တရံရောအခါ ရွှေအင်းတောင် မြတ်စွာဘုရားမှ ရောင်ခြည်တော်တို့သည် လျှပ်စစ်နွယ်ကဲ့သို့ သော အရောင် ကို ထင်စေလျက် ဒေသစာရီ ကြွတော်မူခြင်း၊ အနောက်မြောက် အရပ်မှ ရောင်ခြည် တော် တို့ သည် ရွှေအင်းတောင်မြတ်စွာဘုရား သို့ဒေသစာရီ ကိန်းဝပ်တော်မူခြင်း။ ဤသို့လျှင် အထူးတဆန်း၊ အံ့မခန်းမျှ ကူးသန်းများပြားခြင်း ရှိသည်ကို မှူးမတ်အပေါင်း ခြံရံ လျက် မင်းကြီးမင်းပြောင် ထွက်တော်မူ၍ ကြည့်ရှုရှာဖွေရာ ဗဿနိုးမြို့အရှေ့တွင် ဉာဏ်တော်အ တောင် ၂၀ ခန့် မျှ ပေါ် ရှိသော စေတီတော် တစ်ဆူ တွေ့ ရှိသည်ကို ခြုံမြက်ပိတ်ပေါင်း သုဓ်သင်စေပြီး လျှင် ရွှေပေါက်ပေါက်၊ ငွေပေါက်ပေါက်၊ ပတ္တမြားပေါက်ပေါက်တို့ဖြင့် ပူဇော်ကန်တော့စဉ် ဓာတ်တော် မွေတော်အပေါင်းသည် ပြိုးပြိုးပြက် တခဲနက်သော အရောင်ကို ထွန်းလင်းစေလျက် တက်တုံ သက်တုံ မီးကျီးပုံကဲ့သို့ အစုံသော ပြာဋိဟာကို ဗိုလ်ပါ မှူးမတ်နှင့်တကွ ဖူးမြင်ကြရလျှင် အလွန်နှစ်သက် ကြည်ညိုဘွယ် ရှိလှသောကြောင့် မင်းကြီးနှင့် မိဖုရားမှူးမတ်တို့သည် အုဌ် နရပတေများကို ကိုယ်စီဝေငှ တာခံကြပြီးလျှင် သုဘောဂစေတီတော်ကဲ့သို့ ထပ်မံတည်ထား ကိုးကွယ်တော်မူသည်။ ရွှေရောင်တော်ကျောက်စာ အနီးအပါး ရှာဖွေကြရာလည်း ကျောက်စာမော်ကွန်းတွေ့ရှိသည်။ ကျောက်စာကား- "မြတ်စွာဘုရား ပရိနိဗ္ဗာန်စံယူတော်မူပြီးနောက် သာသနာသက္ကရာင် ၁၀၁ ခုတွင်၊ မဟာ သမ္ဘဝဘီလူးမ ရင်နှစ် သမီးချစ်လှကလျာ ၊ မိဖုရား မယ်ပန်ထွာသည်၊ ဝဇိရာဝုဓ် ၊ရာဇုတ္တမ၊ဝတိံသ ဦးကိုင်၊ ကသစ်ပိုင်က၊ သုံးဆိုင်လုံနတ်၊ မွေတော်ဓာတ်တော်ကို၊ ကပ်ကမ္ဘာမြင့်ရှည်၊ ထွန်းလင်းတည်အောင်၊ သာကြည်ပေးမ၊ ကိုယ်တော်တိုင် ညွှန်ပြသော၊ ဘုရားအလောင်း၊ ကြက်ဖြူကောင်းပျော်ရာ၊ စေတီတော်ဌာပနာ၍၊ ရတနာဆယ်ပါး၊ မွမ်းမံထားသည် ဘုရား……ရွှေရောင်တော်။ " ဟုကျောက်စာ ကမ္ဗည်းတွေ့ရှိသည်။ ယင်းသောအခါ မင်းမှူးမတ်တို့သည် သဒ္ဒါတရား ပွားများဆကဲ၊ မရောင့်ရဲနိုင်သည် ဖြစ်၍ ၁၅ ရက်ပတ်လုံး၊ ပွဲလမ်းကျင်းပ၊ လှူဒါန်းပူဇော် ကြပြီးမှ နေပြည်တော် တောင်တွင်းကြီးမြို့သို့ ပြန်လည်ကြွတော်မူသည်။

full of mysteries and histories.